Naglarnir í grindverkinu


Þetta er saga af litlum dreng sem var afar geðvondur. Faðir hans gaf honum naglapakka og sagði honum að í hvert sinn sem hann missti stjórn á skapi sínu skyldi hann negla einn nagla í bakhlið grindverksins.
Fyrsta daginn negldi drengurinn 37 nagla í grindverkið. Næstu vikur lærði hann að hafa stjórn á reiði sinni og fjöldi negldra nagla minnkaði dag frá degi..
Hann uppgötvaði að það var auðveldara að hafa stjórn á skapi sínu en að negla alla þessa nagla í girðinguna.
Loks rann upp sá dagur að enginn nagli var negldur og drengurinn hafði lært að hafa stjórn á sér.
Hann sagði föður sínum þetta og hann lagði til að nú drægi drengurinn út einn nagla fyrir hvern þann dag sem hann hafði stjórn á skapi sínu.
Dagarnir liðu og loks gat drengurinn sagt föður sínum að allir naglarnir væru horfnir. Faðirinn tók soninn við hönd sér, leiddi hann að grindverkinu og sagði: ?Þú hefur staðið þig með prýði, en sjáðu öll götin á grindverkinu? Það verður aldrei aftur eins og það var áður. Þegar þú segir eitthvað í reiði, skilur það eftir ör alveg eins og naglarnir.
Þú getur stungið mann með hnífi og dregið hnífinn aftur úr sárinu, en það er alveg sama hve oft þú biðst fyrirgefningar, örin eru þarna samt áfram.
Ör sem orð skilja eftir sig geta verið jafnslæm og líkamleg ör.?
Vinir eru sjaldgæfir eins og demantar. Þeir hlusta á þig, skiptast á skoðunum við þig og opna hjarta sitt fyri þér.
Ef okkur finnst að við höfum ekki gætt okkar og ef til vill skilið eftir göt í grindverki einhvers sem okkur er kær, ættum við alltaf að vera fljót til að leita sátta og biðja fyrirgefningar.