Hamingja er ákvörðun

Dag nokkurn tók mjög efnaður maður son sinn með sér í ferð út á land í þeim tilgangi að sýna honum hvernig fátækt fólk býr. Þeir dvöldu tvo daga og nætur á sveitabýli sem myndi teljast fátæklegt. Á leiðinni til baka spurði faðirinn soninn hvernig honum hefði þótt ferðin.

"Hún var fábær pabbi."

"Sástu  hvernig fátækt fólk býr?" spurði faðirinn.

"Ó já," sagði sonurinn

"Jæja, segðu mér þá, hvað lærðir þú af þessari ferð?" spurði faðirinn.

Sonurinn svaraði:

"Ég sá að við eigum bara einn hund en þau fjóra.
Við eigum sundlaug sem nær út í miðjan garð en þau eiga læk sem engan enda tekur.
Við erum með innflutt ljósker í garðinum en þau hafa milljón stjörnur á næturna.
Veröndin okkar nær alveg að framgarðinum en þau hafa allan sjóndeildarhringinn.
Við eigum smá blett til að búa á en þau eiga akra sem ná eins langt og augað eygir. Við höfum þjónustufólk sem þjónar okkur en þau þjóna öðrum.
Við þurfum að kaupa okkar mat en þau rækta sinn.
Við erum með háa girðingu til að verja okkur en þau eru umkringd vinum sem verja þau."

Faðir drengsins var orðlaus.

Þá bætti sonurinn við: "Takk pabbi fyrir að sýna mér hve fátæk Við erum."

Frá Vigdísi Jack